کمیته دولتی امنیت ملی تاجیکستان از کشتهشدن دو شهروند افغانستان در جریان یک درگیری مسلحانه در امتداد مرز دو کشور خبر داده است.
این نهاد، روز جمعه، ۳۰ اسد، با نشر خبرنامه گفته است که این دو شهروند افغانستان بهگونه غیرقانونی وارد خاک تاجیکستان شده و در قاچاق مواد مخدر دست داشتهاند.
بر اساس گزارش تلویزیون دولتی تاجیکستان، این رویداد در منطقه مرزی «فتحآباد» در منطقه روستایی پنج، شهرستان جیحون ولایت ختلان رخ داده است.
مقامهای تاجیکستان گفتهاند که این افراد باشندگان روستای برزنگی در ولسوالی امامصاحب ولایت کندز بودند و پس از شناسایی، از سوی نیروهای مرزی به تسلیمشدن فراخوانده شدند.
به گفته کمیته امنیت ملی تاجیکستان، این دو نفر از تسلیمشدن خودداری کرده و در برابر نیروهای مرزی مقاومت مسلحانه کردند. در نتیجه کشته شدند، این در حالی است که مقامهای تاجیکستان تاریخ دقیق این درگیری را اعلام نکردهاند.
